အောင်လံ ဩဂုတ် ၂၆
မကွေးတိုင်းဒေသကြီး၊ သရက်ခရိုင်၊ အောင်လံမြို့နယ်တွင် ယနေ့နံနက် ၁၀နာရီက အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌
မကွေးတိုင်းဒေသကြီး အစိုးရအဖွဲ့ စီးပွားရေးရာဝန်ကြီးဌာန ဝန်ကြီးနှင့် မြို့နယ်စီမံအုပ်ချုပ်ရေးအဖွဲ့၊ မြို့နယ်အဆင့် ဌာနဆိုင်ရာများ၊ စီးပွားရေးလုပ်ငန်းရှင်များနှင့် တွေ့ဆုံဆွေးနွေးခဲ့ကြောင်း သိရသည်။
မကွေးတိုင်းဒေသကြီး အစိုးရအဖွဲ့၊ စီးပွားရေးရာဝန်ကြီး ဦးအောင်ချိန်က အဖွင့်အမှာစကားပြောကြားခဲ့ပြီး အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးကျော်နိုင်က အောင်လံမြို့နယ်အတွင်း ကိုဗစ်-၁၉ရောဂါ ဖြစ်ပွားမှုအခြေအနေများ၊ ပထမအကြိမ်ကာကွယ်ဆေးထိုးနှံပြီးစီးမှုအခြေအနေများ၊ မြို့နယ်အတွင်း mask campaign လှုပ်ရှားဆောင်ရွက်မှုအခြေအနေများ၊Oxygen plant စက်ရုံတည်ဆောက်နေမှုအခြေအနေများ၊ မြို့နယ်အတွင်း ကိုဗစ်-၁၉ အသိပညာပေးလုပ်ငန်းများကို အရှိန်အဟုန်မပြတ် ဆောင်ရွက်မှုများနှင့် ပတ်သက်၍ အကျယ်တဝင့်ရှင်းလင်းတင်ပြခဲ့ပြီး တက်ရောက်လာသော စီးပွားရေးလုပ်ငန်းရှင်များမှ ယင်းတို့၏ လုပ်ငန်းဆောင်ရွက်မှုနှင့် အခက်အခဲများ၊ လိုအပ်ချက်များကို ဆွေနွေးတိုင်ပင် ညှိနှိုင်းခဲ့ကြကြောင်းသိရသည်။
